Uji Natyral Mineral Qafshtama buron në lartësinë 1350 m në malin e Qafshtamës.

 

Uji depërton nga thellësia e tokës përmes shkëmbinjve magmatikë prej nga filtrohet natyralisht dhe pasurohet me kripëra minerale.

 

Ai njihet  për vetitë e tij  kurative pasi është  i lehtë dhe i pasur me magnez.

 

Uji Qafshtama plotëson të gjitha kriteret fiziko kimike dhe bakteriologjike të kërkuara nga direktiva Europiane.

Burimet e malit Qafshtamë, falë cilësive të ujit që rrjedh prej tyre, kanë paraqitur një rëndësi edhe nga pikëpamja historike.

 

Në 1932, familja mbretërore ‘Zog’, vendosi të analizonte të gjitha burimet e vendit për të zgjedhur mes tyre burimin nga i cili do të merrte ujin për konsum vetjak. Pas një sërë analizash të kryera në laboratorë jashtë vendit, në laboratorin e Vienës, mes të gjitha burimeve shqiptare u zgjodh uji i malit Qafshtama.

 

Në të njëjtin vit, u inagurua nga Nëna Mbretëreshë një çezëm e famshme që vinte në rrugën buzë malit ujin e këtij burimi. Që aso kohe , burimi mori emrin’ Kroi i Nënës Mbretëreshë’ duke i shtuar një petk të vyer historie të kaluarës së hershme të këtyre maleve.

 

Akoma edhe në ditët e sotme, buzë rrugës që gjarpëron përgjatë qafës malore, mund të dalloni rrënojat e këtij kroi të famshëm të shëndetshëm.

Parku Kombëtar i Qafshtamës është një park natyror i mbrojtur i cili shtrihet rreth 25 kilometra në lindje të Krujës.

 

Parku Qafshtamës u themelua në vitin 1996. Ai ka një sipërfaqe prej 2000 hektarë, me një pamje të bukur malore të përbërë kryesisht nga pyjet me pisha, disa liqene të vogla dhe burime të mëdha.

 

Që prej kohës së diktaturës kampi i pushuesve në Qafshtamë ka shërbyer si një destinacion për kurimin e sëmundjeve të ndryshme të mushkërive. Kohët e fundit, parku ka tërhequr shumë vizitorë nga brenda dhe jashtë vendit të cilët janë të apasionuar pas hiking.